Fazool Aur Bekar Cheezon Mein Maharat

[intelligent086]

فضول اور بیکار چیزوں میں مہارت

بادشاہ کے دربار میں ایک شخص کو لایا گیا جو سوئی کو زمین میں گاڑ کر ڈیڑھ دو گز کے فاصلے سے دوسری سوئی پھینکتا جو پہلی سوئی کے ناکے میں جا کر پھنستی۔ بادشاہ نے اس کا فن دیکھا تو بڑا متاثر ہوا اور اسے پہلے انعام و کرام دیا اور پھر کوڑے لگوائے۔ اس شخص نے اس عجیب فیصلے پر حیرانی کا اظہار کیا تو بادشاہ بولا: اس کام میں تم نے اتنی مہارت پیدا کر لی ہے‘ اس کا تمہیں انعام دیا گیا لیکن اتنی فضول چیز میں مہارت پیدا کی کہ جس کا عملی زندگی میں کوئی فائدہ نہیں ہے۔ میں نہیں چاہتا کہ دوسرے لوگ ایسی ہی فضول اور بے کار چیزوں میں مہارت حاصل کرنے میں اپنا وقت ضائع کریں اسی لئے تمہیں کوڑے مارے گئے ہیں۔​